ગણેશ ચતુર્થી પહેલા સોમવારે મુંબઈમાં પ્રખ્યાત ‘લાલબાગચા રાજા’નો ફર્સ્ટ લૂક રિલીઝ કરવામાં આવ્યો હતો. લાલબાગચા રાજા સાર્વજનિક ગણેશોત્સવ મંડળે તેમની 14 ફૂટ ઊંચી ગણેશ મૂર્તિ પરથી પડદો હટાવ્યો હતો. દર વર્ષે, લાખો ભક્તો મુંબઈમાં પુતલાબાઈ ચાલ ખાતે ‘લાલબાગચા રાજા’ની ઝલક મેળવવા માટે લાલબાગ બજારની મુલાકાત લે છે.
કોવિડ-19 રોગચાળાને કારણે ગણેશ ચતુર્થી બે વર્ષથી શાંત વાતાવરણમાં ઉજવવામાં આવી હતી. ત્યારે આ વર્ષે કોરોના વાયરસનું જોખમ ઓછું છે અને તેના કારણે આ વર્ષે લાલબાગચા રાજા સાર્વજનિક ગણેશોત્સવ મંડળ પરંપરાગત રીતે તહેવારની ઉજવણી કરવા માટે તૈયાર છે. તમને જણાવી દઈએ કે આ 10 દિવસીય ગણેશ ઉત્સવ 31 ઓગસ્ટથી શરૂ થવા જઈ રહ્યો છે.
#WATCH | Maharashtra: The first look of 'Lalbaugcha Raja' unveiled in Mumbai ahead of #GaneshChaturthi pic.twitter.com/NOn454cIHt
— ANI (@ANI) August 29, 2022
અયોધ્યા રામ મંદિરની આ વર્ષની થીમ લાલબાગચા રાજા સાર્વજનિક ગણેશોત્સવ મંડળ છે. પંડાલની સજાવટ જાણીતા આર્ટ ડિરેક્ટર નીતિન ચંદ્રકાંત દેસાઈ દ્વારા કરવામાં આવી છે. ત્યારે આજે ગણપતિની મૂર્તિ પરથી પડદો હટાવ્યા બાદ લાલબાગચા રાજાના દર્શન થયા હતા. આ દરમિયાન મોટી સંખ્યામાં ભક્તો ઉપસ્થિત રહ્યા હતા. લાલબાગચા રાજા ગણપતિની મૂર્તિ પરથી ઢોલ-નગાર અને શેરનાઈના ધૂન પર પડદો ઊંચકાયો.
તમને જણાવી દઈએ કે લાલબાગચા રાજા મુંબઈ સહિત સમગ્ર દેશમાં જાણીતું નામ છે. દર વર્ષે ગણેશ ચતુર્થીના દિવસથી 10 દિવસ સુધી લાલબાગચા રાજાની સ્થાપના કરવામાં આવે છે. બોલિવૂડના દિગ્ગજ અભિનેતાઓ અને અભિનેત્રીઓ સહિત ક્રિકેટરો અને મોટા મહાનુભાવો પણ લાલબાગચા રાજાની મુલાકાત લે છે.
