હવામાન વિભાગની આગાહી મુજબ આજે ગુજરાતના અનેક જિલ્લાઓમાં વરસાદની સંભાવના છે. રાજ્યમાં આજે અમરેલી, ભાવનગર, દાહોદ, ભરૂચ, ડાંગ, સુરત, તાપી, નવસારી અને વલસાડ સહિતના જિલ્લાઓમાં ભારે વરસાદ પડશે. D. ગુજરાતમાં આગામી 5 દિવસ સુધી રાજ્યમાં ભારે વરસાદની આગાહી
તમને જણાવી દઈએ કે વરસાદના વધુ એક રાઉન્ડના કારણે દક્ષિણ ગુજરાતમાં વોટર બોમ્બની સ્થિતિ સર્જાઈ છે. દક્ષિણ ગુજરાતના લગભગ સાતેય જિલ્લામાં મેઘરાજા સમયાંતરે પધરામણી કરતા રહે છે. મહત્વનું છે કે, હવામાન વિભાગની આગાહી મુજબ દક્ષિણ ગુજરાતમાં હજુ પણ રાજ્યમાં આગામી 5 દિવસ સુધી ભારે વરસાદની સંભાવના છે.
જે મુજબ ગઈકાલે ડાંગ, આહવા, વઘઈ અને સાપુતારામાં ભારે વરસાદ પડ્યો હતો. વરસાદના કારણે રસ્તાઓ પર પાણી ભરાયા હતા. દક્ષિણ ગુજરાતમાં સૌથી વધુ વાદળો છે
ઉલ્લેખનીય છે કે, દક્ષિણ ગુજરાતના ભરૂચ, નવસારી, વલસાડ અને ડાંગમાં વધુ વાદળછાયું વાતાવરણ જોવા મળી રહ્યું છે. ભરૂચમાં પણ ગત સાંજે અચાનક વાતાવરણમાં પલટો આવતા મુશળધાર વરસાદ પડ્યો હતો.
કમોસમી ગરમી બાદ વરસાદે લોકોને ગરમીમાંથી રાહત આપી હતી અને વાતાવરણમાં પણ ઠંડક પ્રસરી હતી. જો કે વરસાદ બાદ નીચાણવાળા વિસ્તારોમાં પાણી ભરાયા હતા. ગુજરાતના જીવાદોરી સમાન સરદાર સરોવર ડેમ ઉપરથી પાણીની આવકમાં વધારો થયો છે. જેના કારણે તંત્રએ વધુ પાણી છોડવાનો નિર્ણય લીધો છે. નર્મદા ડેમમાંથી ડાઉનસ્ટ્રીમમાં પાણી છોડવામાં આવી રહ્યું છે.
તેમજ ભરૂચ નજીક નર્મદાની વધતી જતી જળ સપાટીને જોતા તંત્રને એલર્ટ કરી દેવામાં આવ્યું છે. પ્રશાસને નદી કિનારાના લોકોને સાવચેત રહેવા અપીલ કરી છે. નર્મદા નદીમાં અત્યાર સુધીમાં 3.15 લાખ ક્યુસેક પાણી છોડવામાં આવ્યું છે. ડેમની જળ સપાટી 138.44 મીટરે પહોંચી છે. આથી નર્મદા નદીના કિનારે આવેલા 26 ગામોને એલર્ટ કરાયા છે.
આ ઉપરાંત NDRF-SDRFની એક-એક ટીમને પણ તૈનાત કરવામાં આવી છે. ઉપરવાસમાં વરસાદના કારણે ઉકાઈ ડેમનું લેવલ પણ જોખમી 345 ફૂટથી માત્ર 2.70 ફૂટ દૂર છે. ઓક્ટોબરના પ્રથમ સપ્તાહ સુધીમાં ડેમ ભરાઈ શકે છે. રવિવારે ડેમમાંથી 1 લાખથી 1.42 લાખ ક્યુસેક પાણીની આવક થઈ હતી. જેથી સવારે 10 વાગ્યાથી 1.24 લાખ ક્યુસેક પાણી છોડવાનું શરૂ કરાયું હતું. રાત્રે 8 વાગ્યે સપાટી 342.31 ફૂટ નોંધાઈ હતી. હાલમાં ડેમ 92.91 ટકા ભરાઈ ગયો છે.
