સ્થૂળતા હાલમાં ઝડપથી વધી રહેલી ગંભીર આરોગ્ય સમસ્યાઓમાંની એક છે. જે લોકો મેદસ્વી અથવા વધુ વજન ધરાવતા હોય તેમને ડાયાબિટીસ અને હૃદય રોગ જેવી ગંભીર સ્વાસ્થ્ય સમસ્યાઓનું જોખમ પણ વધારે હોય છે. વર્લ્ડ હેલ્થ ઓર્ગેનાઇઝેશનના આંકડા દર્શાવે છે કે ૧૯૭૫ થી વિશ્વભરમાં સ્થૂળતાનો આંકડો લગભગ ત્રણ ગણો વધી ગયો છે. વર્ષ ૨૦૧૬ માં લગભગ ૧.૯ બિલિયન લોકો આશરે ૧૯૦ કરોડ વધારે વજનની સમસ્યાથી પીડિત હતા.
હાર્વર્ડ હેલ્થ ન્યૂઝલેટરના એડિટર હેઈદી ગોડમેને વધતી જતી સ્થૂળતા અને તેના સ્વાસ્થ્ય માટેના જોખમો વિશે ચેતવણી આપી છે. આધેડ વયના લોકો પર કરવામાં આવેલા અભ્યાસમાં વૈજ્ઞાનિકોએ શોધી કાઢ્યું છે કે મોડે સુધી સૂવાની આદતથી સ્થૂળતા અને પેટ વધવાનું જોખમ અનેકગણું વધી શકે છે.
હાર્વર્ડ અહેવાલ આપે છે કે સારું સ્વાસ્થ્ય જાળવવા અને સ્થૂળતાના જોખમને ટાળવા માટે રાત્રે 8 વાગ્યા પહેલાં સૂવું શ્રેષ્ઠ છે. સંશોધકોનું અનુમાન છે કે ઊંઘમાં વિલંબ થવાથી તમારી સર્કેડિયન રિધમ (સ્લીપ-વેક સાઇકલ)માં ખલેલ પડી શકે છે, જે સ્ટ્રેસ હોર્મોન કોર્ટિસોલના સ્તરમાં વધારો તરફ દોરી જાય છે. તે લાંબા ગાળે સ્થૂળતાનું જોખમ પણ વધારી શકે છે. રાત્રે વહેલા સૂવું અને સવારે વહેલા ઉઠવું તમારા સ્વાસ્થ્ય માટે ફાયદાકારક માનવામાં આવે છે.
દરેક વ્યક્તિએ રાત્રે આઠ કલાકની ઊંઘ લેવી જરૂરી છે. બધા લોકોએ એવા પગલાં લેવાનું ચાલુ રાખવું જોઈએ જે યોગ્ય ઊંઘ જાળવવામાં મદદ કરી શકે. ઊંઘમાં વિક્ષેપ કે જે તણાવ અથવા ચિંતા, દુખાવો, અસ્થમા, અમુક દવાઓ, કેફીન આલ્કોહોલ અથવા સારવાર ન કરાયેલ સ્લીપ ડિસઓર્ડર જેમ કે સ્લીપ એપનિયા અથવા અનિદ્રાને કારણે થઈ શકે છે, તેનો પ્રયાસ કરવો જોઈએ.
