ગુજરાતના લોકડાયરાની હવે વિદેશમાં પણ ડિમાન્ડ વધી રહી છે. લોકડાયરો પરિવારના નાનાથી મોટા તમામ લોકો એક સાથે બેસીને સાંભળી શકે છે. તેમાં સંસ્કૃતિ, દેશ ભક્તિ અને વીરતાની વાતો કરવામાં આવે છે. તો ગુજરાતી લોકડાયરાની હવે વિદેશમાં પણ ડિમાન્ડ વધી રહી છે.
ગુજરાતના પ્રસિદ્ધ લોકગાયક કીર્તિદાન ગઢવી વિદેશની ધરતી પર જઈને ડાયરાની રમઝટ બોલાવી રહ્યા છે. ગુજરાતમાં તો અવાર નવાર લોકડાયરાના આયોજનો થાય છે. આ લોકડાયરામાં કલાકારો પર પૈસાનો વરસાદ થતો હોય તેવા કિસ્સાઓ પણ સામે આવે છે. ત્યારે વિદેશની ધરતી પર કીર્તિદાન ગઢવી પર લોકો ડોલરનો વરસાદ કરી રહ્યા છે. કીર્તિદાનના એક કાર્યક્રમમાં ડોલરનો વરસાદ થયો હતો. આ ડાયરાના ફોટો અને વીડિયો કીર્તિદાન ગઢવીએ સોશિયલ મીડિયામાં શેર કર્યા છે.
કીર્તિદાન ગઢવીએ આટલા વર્ષોમાં પહેલી વખત નવરાત્રી વિદેશમાં કરી હતી. કોરોનાની મહામારી વચ્ચે રાજ્ય સરકાર દ્વારા પ્રોફેશન ગરબાના આયોજનોને મંજૂરી આપવામાં આવી નહોવાના કારણે કીર્તિદાન ગઢવીએ વિદેશમાં ડાયરાની રમઝટ બોલાવી હતી. કીર્તિદાન ગઢવીએ USAના અલગ-અલગ શહેરમાં ગરબાનું આયોજન કર્યું હતું.
સાથે જ તેને એવું પણ કહ્યું હતું કે, NRI લોકો વર્ષોથી વતનથી દૂર છે અને ખૂબ જ રેર કેસમાં ગરબા જોવા મળે છે. ગુજરાતમાં ગરબા નવરાત્રી કે, અન્ય ગમે તે રીતે પણ જોવા મળે છે. જ્યારે તમે વતનથી દૂર રહો છો ત્યારે તહેવાર, સંસ્કૃતિ અને ખાનપાનનું મૂલ્ય સમજાય છે. હું દુબઈ અમેરિકા અને કેનેડામાં જઉ તો મને મજા આવે છે કારણ કે, મને ગુજરાત જેવી ફિલ આવે છે.
