જમ્મુ-કાશ્મીરના ડીજી જેલ (જેલના મહાનિર્દેશક) હેમંત લોહિયાની સોમવારે મોડી રાત્રે તેમના જ ઘરમાં હત્યા કરવામાં આવી હતી. હત્યા બાદ તેની લાશને સળગાવવાનો પ્રયાસ કરવામાં આવ્યો હતો. હવે પોલીસે લાશને પોસ્ટમોર્ટમ માટે મોકલી આપી છે. લોહિયાના ઘરમાં રહેતા નોકર યાસિરે ડીજીની હત્યા કરી છે.
મંગળવારે સવારે, હત્યાના લગભગ 10 કલાક પછી, આતંકવાદી સંગઠન TRF (ધ રેઝિસ્ટન્સ ફ્રન્ટ) એ લોહિયાની હત્યાની જવાબદારી લીધી. TRFએ સોશિયલ મીડિયા દ્વારા આ જાણકારી આપી છે. તે લશ્કર સાથે જોડાયેલી સંસ્થા છે. મીડિયા રિપોર્ટ્સ અનુસાર, લોહિયાના નોકર યાસિરે તેની સાથે મારપીટ કરી હતી.
તેના ગળા પર કાચની બોટલ વડે હુમલો કરવામાં આવ્યો હતો અને તેનું ગળું કાપી નાખવામાં આવ્યું હતું. આતંકવાદી સંગઠને તેની પ્રેસ રિલીઝમાં કહ્યું છે કે ગૃહમંત્રી માટે અમારી તરફથી આ એક નાનકડી ભેટ છે અને અમે ગમે ત્યારે, ગમે ત્યાં કોઈની પણ હત્યા કરી શકીએ છીએ.
આ આતંકી તેના ઘરમાં નોકર બનીને રહેતો હતો. આ ઘટના બાદથી તેનો નોકર ફરાર છે. પોલીસે યાસિરની શોધખોળ શરૂ કરી છે. ડીજી હેમંત લોહિયા જમ્મુની બહારના ઉદયવાડામાં રહેતા હતા. તેઓ 1992 બેચના IPS અધિકારી હતા. તેમને આ વર્ષે ઓગસ્ટમાં ડીજી જેલ નિયુક્ત કરવામાં આવ્યા હતા. તેની હત્યા શા માટે કરવામાં આવી તે અંગે હજુ સુધી કોઈ માહિતી મળી નથી.
જમ્મુ ઝોનના ADGP મુકેશ સિંહે જણાવ્યું કે લોહિયાનું ગળું કાપવામાં આવ્યું હતું. બાદમાં તેના મૃતદેહને સળગાવવાનો પ્રયાસ કરવામાં આવ્યો હતો. ઘટના પહેલા લોહિયાએ પોતાના પગમાં તેલ લગાવ્યું હોવાનું પ્રાથમિક તપાસમાં બહાર આવ્યું છે. તેના પગમાં સોજો આવી ગયો હતો. હત્યારાએ કેચ-અપ બોટલ વડે તેનું ગળું કાપીને તેના શરીરને બાળવાનો પ્રયાસ કર્યો હતો.
પોલીસનું કહેવું છે કે પહેલા તેને તકિયા વડે દબાવીને મારી નાખવાનો પ્રયાસ કરવામાં આવ્યો હતો. સુરક્ષા દળોએ રૂમમાં આગ જોઈ એડીજીપી મુકેશ સિંહે કહ્યું કે સુરક્ષા દળોએ પહેલા રૂમમાં આગની જાણ કરી. દરવાજો અંદરથી બંધ હતો. તેઓ દરવાજો તોડી અંદર ગયા. મુકેશ સિંહે જણાવ્યું હતું કે, પ્રાથમિક તપાસમાં હત્યા હોવાનું જણાય છે.
કેન્દ્રીય ગૃહ પ્રધાન અમિત શાહ જમ્મુ-કાશ્મીરની 2 દિવસની મુલાકાતે છે, જેથી પોલીસ અધિકારીઓ ઘટનાની તપાસમાં વ્યસ્ત છે. આ પહેલા સોમવારે બપોરે બારામુલ્લામાં કેટલાક આતંકવાદીઓએ એક બેંક મેનેજર પર હુમલો કર્યો હતો. આતંકવાદીઓએ બેંક મેનેજર પર ગોળીબાર કર્યો હતો, પરંતુ તે કોઈ રીતે આ હુમલામાંથી બચી ગયો હતો.
