ગઈકાલે એડિલેડમાં ભારતીય ટીમે બાંગ્લાદેશને 5 રનથી હરાવ્યું હતું. આ મેચ ખૂબ જ રોમાંચક સ્થિતિમાં જોવા મળી હતી. છેલ્લી ઓવર સુધી ચાલેલી આ મેચમાં ભારતનો વિજય થયો છે. આ સાથે બાંગ્લાદેશી ચાહકોને મોટો ઝટકો લાગ્યો છે. ભારતીય ટીમે હવે સેમીફાઈનલમાં પણ પોતાનું સ્થાન નિશ્ચિત કરી લીધું છે.
ભારતીય ટીમના ખેલાડીઓ જબરદસ્ત ફોર્મમાં જોવા મળી રહ્યા છે. બાંગ્લાદેશ સામેની મેચમાં પ્રથમ બેટિંગ કરતા ભારતીય ટીમે 184 રન બનાવ્યા હતા. જેમાં વિરાટ કોહલી જબરદસ્ત બેટિંગ કરતો જોવા મળ્યો હતો. તેણે આ મેચમાં 44 બોલમાં 64 રન બનાવ્યા હતા. જેમાં 8 ફોર અને 1 મોટી સિક્સ ફટકારી હતી. હાર બાદ બાંગ્લાદેશના આ ખેલાડીએ વિરાટ કોહલી પર ખોટી ફિલ્ડિંગનો આરોપ લગાવ્યો છે.
મેચ પૂરી થયા બાદ આ બાંગ્લાદેશી ખેલાડીએ વિરાટ કોહલી પર ગંભીર આરોપ લગાવતા કહ્યું કે વિરાટ કોહલીએ નકલી ફિલ્ડિંગનો ઉપયોગ કર્યો હતો. અમ્પાયરે આ ઘટના જોઈ ન હતી પરંતુ જો તેણે જોયું હોત તો તેને પેનલ્ટી તરીકે પાંચ રન મળ્યા હોત અને અમે મેચ જીતી શક્યા હોત પરંતુ એવું બન્યું નહીં. તો ચાલો જાણીએ સંપૂર્ણ બાબત અને વધુ માહિતી મેળવીએ.
બાંગ્લાદેશની ટીમ જ્યારે બેટિંગ કરી રહી હતી ત્યારે ઇનિંગ્સની 7મી ઓવર દરમિયાન અક્ષર પટેલ બોલિંગ કરી રહ્યો હતો. લેઇટન દાસે અક્ષર પટેલની બોલ પર શોટ રમ્યો હતો અને તે પછી થ્રો થયો હતો. આ દરમિયાન વિરાટ કોહલીએ બોલ ન પકડીને બોલ ફેંક્યો હતો. આ ઘટના અમ્પાયરે ધ્યાનમાં લીધી ન હતી. તો હાલમાં વિકેટ કીપર બેટ્સમેન નુરુલ હસને કોહલી પર આ મોટો આરોપ લગાવ્યો છે.
નુરુલ હસને વધુમાં કહ્યું કે બધાએ જોયું છે કે વરસાદને કારણે મેદાન ભીનું થઈ ગયું હતું. મેચ પર તેની ઘણી અસર જોવા મળી હતી. આ દરમિયાન કોહલીએ થ્રો પણ કર્યો હતો. જો તેમને પેનલ્ટી મળી હોત તો તેઓ હારી ગયા હોત પરંતુ સદનસીબે એવું બન્યું ન હતું.
આવા વર્તનને અયોગ્ય ગણી શકાય. અમને જાણી જોઈને છેતરવામાં આવ્યા છે. કોઈપણ પ્રકારનો અવરોધ ન હોવો જોઈએ. વિરાટ કોહલીની ફેક ફિલ્ડિંગને લઈને સોશિયલ મીડિયા પર ઘણી ચર્ચા થઈ રહી છે. હવે બાંગ્લાદેશ તેનો સંપૂર્ણ વિરોધ કરી રહ્યું છે. ભારતીય ટીમે હવે તેની આગામી મેચ 6 નવેમ્બરે રમવાની છે. એકસાથે અનેક ફેરફારો કરવામાં આવે તેવી શક્યતા છે. આ વખતે ભારતીય ટીમ વર્લ્ડ કપ જીતવાની રેસમાં સૌથી આગળ છે.
