શ્રાવણ મહિનો ભગવાન શિવનો પ્રિય છે. હવે અષાઢ મહિનો પૂરો થતાં જ શ્રાવણ મહિનો આવશે. તો તમને શિવ મંદિરોમાં મહિમા જોવા મળશે, શ્રાવણ મહિનો એટલે શિવભક્તિનો મહિનો. ગુજરાતમાં એક શિવ મંદિર છે જ્યાં સૂતેલા શિવ છે. આ મંદિરમાં વરસાદ પડે તો અન્ય દિવસોમાં આકાશમાંથી પાણી અને સૂર્ય કિરણોનો સીધો જ શિવલિંગ પર અભિષેક કરવામાં આવે છે. તેની પાછળ ચોક્કસ કારણ છે. ઘણી લોકવાયકાઓ છે. કહેવાય છે કે આ મંદિરની છત ક્યારેય બની શકી નથી. આથી આ મંદિરમાં છત નથી અને આખું વર્ષ ખુલ્લું રહે છે. જાણો આ પાછળનું રહસ્ય.
અબ્રામા ગામ દક્ષિણ ગુજરાતના વલસાડ જિલ્લામાં આવેલું છે. અહીં તડકેશ્વર મહાદેવનું મંદિર આવેલું છે. એવું માનવામાં આવે છે કે આ મંદિર 800 વર્ષ જૂનું છે. ભોલેનાથના આ મંદિર પર ક્યારેય શિખર બાંધી શકાયું નથી. તેથી સૂર્યના કિરણો તેનો સીધો અભિષેક કરે છે.
મંદિર સાથે જોડાયેલી એક વાર્તા
કહેવાય છે કે આ મંદિર 800 વર્ષ જૂનું છે. અહીના સ્થાનિક ગૌપાલક દરરોજ પોતાની ગાયોને જંગલમાં ચરાવવા લઈ જતા હતા. જંગલમાં ગયા પછી એક ગાય દરરોજ એ જ જગ્યાએ ઊભી રહેતી અને તેના દૂધના પ્રવાહને વહેવા દેતી. ગોવાળિયાને આ વિચિત્ર લાગ્યું. તેથી તે તે જગ્યાએ ગયો અને જોયું કે જમીનની અંદર એક શિવલિંગ છે. એ પછી ગોવાળિયાએ ત્યાં રોજ અભિષેક કરવાનું શરૂ કર્યું.
એવા સમયે શિવજી ગોવાળ પર પ્રસન્ન થયા અને તેમની પાસે સ્વપ્નમાં આવ્યા અને આદેશ આપ્યો કે, ઘંઢોર વનમાં આવીને તમે જે રીતે મારી સેવા કરો છો તેનાથી હું પ્રસન્ન થયો છું. તમે મને સ્થાપિત કરો. ગોવાડે ગામલોકોને આ વાત કહી. ગ્રામજનોએ આવીને સ્થળ ખોદકામ કરતાં 7 ફૂટનું શિવલિંગ મળ્યું. ગ્રામજનોએ આ પવિત્ર પથ્થરની સ્થાપના કરી હતી. મંદિર બનાવીને પ્રાણ પ્રતિષ્ઠા કરી હતી
આ મંદિરને તડકેશ્વર મંદિર નામ આપવામાં આવ્યું. ગામ લોકોએ મંદિર બનાવવાની શરૂઆત કરી. ચારે તરફ દીવાલ બનાવી અને ઉપર છાપરુ નાંખ્યું. પરંતુ થોડા સમયમાં છાપરુ બળી ગયુ હતું. આવુ વારંવાર થતુ ગયુ. જ્યારે જ્યારે ગામ લોકોએ છત બનાવવાનો પ્રયાસ કર્યો ત્યારે ત્યારે કંઈને કંઈ થતુ ગયું. ત્યારે ભગવાને ગોવિળિયાને ફરીથી સપનામાં દર્શન આપ્યાં. ભગવાને કહ્યુ કે, હું તડકેશ્વર મહાદેવ છું, મારી ઉપર કોઈ છાપરું-આવરણ ન બનાવો.
