ગુજરાતના મુખ્યમંત્રી તરીકે પટેલ સમાજના ભુપેન્દ્ર પટેલ પર મહોર લગાવી, આનંદીબેન ના પટેલના ખાસ નજીકના માણસ
વિજય રૂપાણીએ મુખ્યમંત્રી પદેથી રાજીનામું આપ્યા બાદ ગુજરાતમાં રાજકીય સંકટને ઉકેલવા માટે રવિવારે વિધાનસભા પક્ષની બેઠક બોલાવવામાં આવી છે. અપેક્ષા છે કે આ બેઠકમાં રાજ્યના નવા મુખ્યમંત્રીનું નામ નક્કી કરવામાં આવશે. ગુજરાતના આગામી મુખ્યમંત્રી કોણ બનશે તેની રેસમાં અનેક નામો ચાલી રહ્યા છે. બીજી બાજુ, કેન્દ્રીય મંત્રી નરેન્દ્ર સિંહ તોમર અને પ્રહલાદ જોશીને યોગ્ય મુખ્યમંત્રી પસંદ કરવા માટે નિરીક્ષક તરીકે પસંદ કરવામાં આવ્યા છે.
ભાજપના વરિષ્ઠ નેતા નરેન્દ્ર સિંહ તોમર મીડિયાને સંબોધી રહ્યા છે. તેમણે કહ્યું કે ભૂપેન્દ્ર પટેલ રાજ્યના નવા મુખ્યમંત્રી બનશે.
ધારાસભ્ય દળની બેઠક ગાંધીનગર સ્થિત ભાજપ કાર્યાલય ખાતે સમાપ્ત થઈ છે. સૂત્રોના જણાવ્યા અનુસાર આ બેઠકમાં ભૂપેન્દ્ર પટેલના નામ પર ચર્ચા થઈ હતી અને સર્વસંમતિ થઈ ગઈ છે. જોકે, સત્તાવાર જાહેરાત કરવાની બાકી છે. સૂત્રો કહે છે કે વિજય રૂપાણીએ જ બેઠકમાં ભૂપેન્દ્ર પટેલનું નામ સૂચવ્યું હતું. ગુજરાત રાજ્ય ભાજપના મુખ્ય પ્રવક્તા યમલ વ્યાસે જણાવ્યું હતું કે ભૂપેન્દ્ર પટેલ ધારાસભ્ય છે, પરંતુ હજુ સુધી કોઈ અંતિમ નિર્ણય લેવામાં આવ્યો નથી.
ગુજરાત: ભૂપેન્દ્ર પટેલ નવા મુખ્યમંત્રી બનશે, નરેન્દ્ર સિંહ તોમરે મીડિયા સમક્ષ જાહેરાત કરી
