IPL ઈતિહાસમાં એક જ સિઝનમાં ૩૦થી વધુ વિકેટ ઝડપનાર હર્ષલ પટેલને ફરી વિરાટ કોહલીનો સાથ મળ્યો છે. તેનું નામ RCBએ ૧૦ કરોડ ૭૫ લાખમાં બોલી લાગી. ઈન્ડિયન પ્રીમિયર લીગની છેલ્લી સિઝનમાં રોયલ ચેલેન્જર્સ બેંગ્લોરના બોલર હર્ષલ પટેલે સૌથી વધુ વિકેટ લીધી હતી. તેણે ૧૫ મેચમાં ૩૨ વિકેટ લીધી હતી. હર્ષલે ફરી એકવાર IPLની તૈયારી શરૂ કરી દીધી છે.
હર્ષલે પોતે જ આ વખતે રોયલ ચેલેન્જર્સ બેંગ્લોરને તેને રિટેન ન કરવા કહ્યું હતું. છેલ્લી સિઝનમાં કરિશ્માપૂર્ણ બોલિંગ કરનાર હર્ષલને માત્ર ૨૦ લાખ રૂપિયા મળ્યા હતા. આ કારણે તેણે તેની કિંમત વધારી દીધી. હાલમાં બોલરોમાં મોઘામાં મોંઘા ખેલાડી તરીકે હર્ષલ પટેલ છે. આ ઊંચી બોલી લાગવાથી હર્ષલ પટેલે ઉત્સાહ નો પાર રહ્યો નથી.
IPL ઓક્શનમાં મોટી સંખ્યામાં પ્લેયર્સે પોતાની બેઝપ્રાઈઝ 2 કરોડ રૂપિયા રાખી છે. ઘણા પ્લેયર્સ એવા છે, જેમની બેઝ પ્રાઈઝ 1.5 કરોડ અને એક કરોડ સુધી ગઈ છે. આ વખતે 1200 કરતા વધુ ખેલાડીઓએ પોતાના નામ ઓક્શન માટે સોંપી દીધા છે, જેમાં દેશી, વિદેશી, કેપ્ડ અને અન-કેપ્ડ ખેલાડી છે. જોકે, ઓક્શનમાં તમામ ખેલાડી નહીં જશે.
