ટી20 ક્રિકેટને યુવા ખેલાડીઓની રમત માનવામાં આવે છે, પરંતુ IPL 2023ની હરાજીમાં કંઈક અલગ જ જોવા મળ્યું. આ હરાજીમાં 40 વર્ષના એક ખેલાડીએ ભાગ લીધો હતો અને ખાસ વાત એ છે કે આ ખેલાડીનો ખરીદનાર પણ મળી ગયો હતો. આ ખેલાડી આઈપીએલના ઈતિહાસના સૌથી સફળ બોલરોમાંથી એક છે, જોકે ગત આઈપીએલ સિઝનમાં કોઈ ટીમે આ ખેલાડીને ખરીદ્યો ન હતો. આ ખેલાડી લખનૌ સુપર જાયન્ટ્સ વતી રમતા જોવા મળશે.
ટીમ ઈન્ડિયાના પૂર્વ સ્પિનર અમિત મિશ્રા IPLમાં વાપસી કરવામાં સફળ રહ્યો છે. 40 વર્ષીય અમિત મિશ્રાએ ગત સિઝનમાં વેચાયા વગરના રહેવા બાદ આ વખતે પણ IPLમાં પોતાનું નસીબ અજમાવવાનું નક્કી કર્યું હતું. આ વખતે તે હરાજીમાં સૌથી મોટી ઉંમરનો ખેલાડી હતો. અમિત મિશ્રા IPL 2023માં લખનૌ સુપર જાયન્ટ્સ તરફથી રમશે. તેને 50 લાખની બેઝ પ્રાઈઝમાં ખરીદવામાં આવ્યો છે.
અમિત મિશ્રા IPLમાં સૌથી વધુ વિકેટ લેનારા બોલર છે. અમિત મિશ્રા છેલ્લે 2021માં IPL રમ્યા હતા. તે પછી તે દિલ્હી કેપિટલ્સનો ભાગ હતો. અમિત મિશ્રાએ તેની IPL કરિયરમાં 154 મેચ રમી હતી. જેમાં તેણે 23.98ની બોલિંગ એવરેજથી 166 વિકેટ લીધી છે. આટલું જ નહીં, તેણે IPLમાં 3 વખત હેટ્રિક પણ લીધી છે. તેણે ટીમ ઈન્ડિયા માટે 10 T20, 36 ODI અને 22 ટેસ્ટ મેચ પણ રમી છે.
અમિત મિશ્રાએ લખનૌ સુપરજાયન્ટ્સ દ્વારા ખરીદવા પર ટ્વિટ કર્યું અને લખ્યું, ‘તને તક આપવા બદલ લખનૌ સુપર જાયન્ટ્સનો આભાર. ટુર્નામેન્ટને લઈને ઉત્સાહિત. હું મારું સર્વશ્રેષ્ઠ આપવાનો શ્રેષ્ઠ પ્રયાસ કરીશ. કૃપા કરીને મને સપોર્ટ કરતા રહો.
