ઈશાન કિશાન એ બનાવ્યો વર્લ્ડ રેકોર્ડ સિક્સર નો બાદશાહ રેકોર્ડ તોડીને ઇતિહાસ રચ્યો…..

ટીમ ઈન્ડિયાના યુવા બેટ્સમેન ઈશાન કિશને બાંગ્લાદેશ સામેની શ્રેણીની ત્રીજી ODI (IND vs BAN 3rd ODI)માં અદભૂત પ્રદર્શન કર્યું. તેણે યજમાન ટીમના બોલરોના ઘમંડને ચકનાચૂર કરી નાખ્યો અને 210 રનની તોફાની ઇનિંગ રમી. ચટગાંવના ઝહૂર અહેમદ ચૌધરી ક્રિકેટ સ્ટેડિયમમાં કિશને ઓપનિંગની જવાબદારી નિભાવી અને એવી રીતે રમ્યો કે બધા જોતા જ રહી ગયા. આ દરમિયાન કિશને ક્રિસ ગેલનો તોફાની બેવડી સદીનો વર્લ્ડ રેકોર્ડ તોડ્યો હતો.

ઝારખંડ માટે ડોમેસ્ટિક ક્રિકેટ રમનાર ઈશાન કિશને શરૂઆતથી જ પોતાનું વલણ બતાવ્યું. બધા સમજી ગયા હતા કે આજે કિશન મોટી ઇનિંગ રમવાના ઉદ્દેશ્ય સાથે મેદાનમાં આવ્યો છે. કિશને તેની બેવડી સદી 126 બોલમાં પૂરી કરી હતી. ગેઈલે 138 બોલમાં બેવડી સદી ફટકારી હતી.

આ રીતે ભારતીય ક્રિકેટરે બનાવ્યો વર્લ્ડ રેકોર્ડ. કિશન 210 રન બનાવીને આઉટ થયો હતો. ઇનિંગની 36મી ઓવરના 5માં બોલ પર તસ્કીન અહેમદે તેને શિકાર બનાવ્યો હતો. કિશને 131 બોલની ઈનિંગમાં 24 ચોગ્ગા અને 10 છગ્ગા ફટકાર્યા હતા.

ઈશાન કિશન અને શિખર ધવન ઓપનિંગ માટે ચિટાગોંગમાં ઉતર્યા હતા અને પ્રથમ વિકેટ માટે માત્ર 15 રન જ જોડી શક્યા હતા. મેહદી હસન મિરાજે ઇનિંગની 5મી ઓવરના પહેલા બોલ પર ધવનને એલબીડબ્લ્યૂ આઉટ કર્યો હતો. આ પછી ઈશાન અને વિરાટે જોરદાર રીતે યજમાન ટીમના બોલરોની ક્લાસ લીધી. કિશને તસ્કીન અહેમદની ઓવરમાં બે ચોગ્ગા ફટકાર્યા હતા.

ત્યાર બાદ ઇબાદત હુસૈન ઇનિંગની 12મી ઓવરમાં 18 રન બનાવીને આઉટ થયો હતો. તેણે શાકિબની ઇનિંગ્સની 13મી ઓવરના બીજા બોલ પર સિંગલ લીધો અને તેના વ્યક્તિગત સ્કોર 50 સુધી પહોંચાડ્યો. તસ્કિનની 17મી ઓવરમાં તેણે એક સિક્સ અને ફોર ફટકારી હતી. ત્યારબાદ કોહલીએ પણ 19મી ઓવરના છેલ્લા બોલ પર ચોગ્ગાની મદદથી સદીની ભાગીદારી પૂરી કરી હતી.અફિફ હુસૈનની ઇનિંગ્સની 24મી ઓવરના પહેલા બોલ પર કિશને ચોગ્ગો ફટકાર્યો હતો.

આ રીતે તેણે પોતાની પ્રથમ વનડે સદી 85 બોલમાં પૂરી કરી. તેણે શાકિબની બીજી જ ઓવરમાં સિક્સર ફટકારી હતી. ત્યારબાદ ઇબાદત હુસૈને 26મી ઓવરમાં બે સિક્સર ફટકારી હતી. શાકિબની 27મી ઓવરમાં કિશને બે છગ્ગા અને ચોગ્ગા ફટકાર્યા હતા. તેણે આગલી જ

ઓવરના ત્રીજા બોલ પર સિક્સર ફટકારીને વ્યક્તિગત સ્કોર 150 સુધી પહોંચાડ્યો. મેહદી હસન મિરાજની 30મી ઓવરમાં ઈશાને બે ફોર અને એક સિક્સર ફટકારી હતી. કોહલીએ તસ્કીન અહેમદની 32મી ઓવરના ત્રીજા બોલ પર ચોગ્ગો ફટકારીને કિશન સાથે 250 રનની ભાગીદારી પૂરી કરી હતી.

આ મેચમાં રોહિત શર્માની જગ્યાએ કેએલ રાહુલે ટીમની કમાન સંભાળી હતી. રોહિતને છેલ્લી વનડે દરમિયાન અંગૂઠામાં ઈજા થઈ હતી. રોહિતના એક્ઝિટને કારણે ઈશાન કિશનને તક મળી અને તેણે બેટિંગ કરી હતી. ઈશાન ઉપરાંત ચાઈનામેન સ્પિનર કુલદીપ યાદવને પણ પ્લેઈંગ ઈલેવનમાં સ્થાન મળ્યું છે.