આપણા શાસ્ત્રોમાં ઘણા એવા સંકેતો બતાવવામાં આવેલા છે જે ખૂબ જ શુભ માનવામાં આવે છે. જો એવા સંકેતો મળે તો વ્યક્તિનું જીવન બદલાઈ જાય છે. આજે અમે તમને એવા સંકેતો વિશે જણાવીશું કે જેનાથી વ્યક્તિનું જીવન તો બદલાય છે સાથે જીવનમાં ઘણી સુખાકારી પ્રાપ્ત થાય છે અને સારા દિવસની શરૂઆત થાય છે. જાણો તેવા સંકેતો વિશે.
ઘરમાં કે ઘરની છત પર પોપટને આવવું : જો તમારા ઘર પર પોપટ આવીને બેસે છે તો શુભ માનવામાં આવે છે. આવું બને તો તેને એક સારા સંકેત તરીકે જોવામાં આવે છે અને ભાગ્યના દરવાજા ખુલી જાય છે. પોપટ આવીને કલરવ કરે અથવા પાંખ ફફડાવે તો તે સારા સમયની નિશાની ગણવામાં આવે છે.
અચાનક ગાયનો ભેટો થવો : આપની સંસ્કૃતિમાં ગાયને માતા તરીકે ઓળખવામાં આવે છે. તમે ઘરની બહાર નીકળો છો અને તમને અચાનક ગાય જોવા મળે છે તો તમે ખૂબ ભાગ્યશાળી છો. ટૂંક સમયમાં તમારું નસીબ ચમકી ઉઠે છે. અચાનક ગાયનું આવવું સુખાકારી ના સંકેત માનવામાં આવે છે. ગાય ઘરની સામે આવીને અવાજ કરે છે તો તમને ઘનની પ્રાપ્તિ થવાની છે.
ઘુવડને આવવું : ઘુવડને લક્ષ્મિજી નું વાહન માનવામાં આવે છે. ઘુવડ આવીને ઘરની છત પર બેસે છે તો તેને શુભ માનવામાં આવે છે. ઘુવડ ઘરની છત પર આવીને બેસે છે તો તેનો મતલબ કે લક્ષ્મી માતા તમારા પર મહેરબાન થયા છે અને તેમને તમારા ઘરમાં પ્રવેશ કરી લીધો છે.
રસ્તામાં પડેલા પૈસા મળવા : રસ્તામાં પડેલા પૈસા મળવા એ નસીબ ની વાત કહેવાય જે સૌ કોઈને નથી મળતા. જો તમારી જોડે પણ આવું બને છે તો તમને ધનવાન થતા કોઈ નહી રોકી શકે. આવું નસીબદાર વ્યક્તિ જોડે જ બનતું હોય છે. તે પૈસાને તમે પુણ્યના કામમાં વાપરશો તો ભગવાન ખુશ થઈ તમારું ભલું કરે છે.
