WHOએ કહ્યું છે કે દિવસમાં ૫ ગ્રામ મીઠું પૂરતું છે. દરેક વ્યક્તિને ભોજનમાં પોતાના સ્વાદ પ્રમાણે મીઠું ખાવાનું પસંદ હોય છે. કોઈ ઓછું, કોઈ થોડું વધારે, પરંતુ તમામ આરોગ્ય નિષ્ણાતોના મતે, વધુ પડતું મીઠું ખાવાથી વ્યક્તિના સ્વાસ્થ્ય પર અસર થાય છે.
ખરેખર મીઠું બે વસ્તુઓનું બનેલું છે – સોડિયમ અને પોટેશિયમ. આપણે જે મીઠું ખાઈએ છીએ તેમાં સોડિયમનું પ્રમાણ સામાન્ય રીતે ઘણું વધારે હોય છે જ્યારે પોટેશિયમનું પ્રમાણ ઘણું ઓછું હોય છે. આવી સ્થિતિમાં, વધુ પડતા સોડિયમના સેવનને કારણે લાખો લોકો બ્લડપ્રેશરનો શિકાર બને છે અને તેઓને હાર્ટ એટેક અને સ્ટ્રોકનો ખતરો હંમેશા રહે છે.
વર્લ્ડ હેલ્થ ઓર્ગેનાઈઝેશન (WHO) અનુસાર, મોટાભાગના લોકો દરરોજ 9 થી 12 ગ્રામ મીઠું લે છે, જેના કારણે વિશ્વભરમાં બ્લડ પ્રેશરના દર્દીઓની સંખ્યા વધી રહી છે. WHOએ કહ્યું છે કે દિવસમાં 5 ગ્રામ મીઠું પૂરતું છે. આ સાથે જ એક અભ્યાસ બાદ WHOએ ચેતવણી આપી છે કે દર વર્ષે લગભગ 30 લાખ લોકો વધારે મીઠું ખાવાથી મૃત્યુ પામે છે.
WHO અનુસાર, આપણા શરીરને સોડિયમ અને પોટેશિયમ બંનેની જરૂર હોય છે. બીજી બાજુ, વધુ મીઠું ખાવાથી, વધુ સોડિયમ શરીરમાં પહોંચે છે. આ પોટેશિયમ અને સોડિયમની માત્રામાં અસંતુલન તરફ દોરી જાય છે. વધારે સોડિયમ હાડકાંને નબળા પાડે છે અને હાઈ બીપીનું કારણ બને છે. તેનાથી હાર્ટ એટેક અને સ્ટ્રોકનું જોખમ પણ વધી જાય છે. ડબ્લ્યુએચઓ અનુસાર, જો મીઠાનું પ્રમાણસર સેવન કરવામાં આવે તો લગભગ ૨.૫ મિલિયન મૃત્યુને અટકાવી શકાય છે.
