ગુજરાતમાં અકસ્માતની ઘટનાઓ સતત સામે આવી રહી છે, જેમાં આવા અકસ્માતોમાં અનેક લોકોના મોત થાય છે. હવે આવી જ એક ઘટના સામે આવી રહી છે, જેમાં રાજકોટ-લીંબડી હાઈવે પર સાયલા નજીક એક PSIને અકસ્માત નડ્યો હતો અને PSIનું મોત થયું હતું.
પીએસઆઈના અકાળે મોતને પગલે પોલીસ મથકમાં પણ શોકની લાગણી ફેલાઈ ગઈ છે.આ અંગે પ્રાપ્ત માહિતી અનુસાર પીએસઆઈ એ.કે. પરમાર સાયબર ક્રાઈમની ટ્રેનિંગ માટે ગાંધીનગરમાં હતો.
ટ્રેનિંગ પૂરી કરીને તે પોતાની કારમાં પરત ફરી રહ્યો હતો. દરમિયાન સુરેન્દ્રનગર જીલ્લાના લીંબડી રાજકોટ હાઈવે પર સાયલા પાસે તેમની કાર ડીવાઈડર સાથે અથડાઈ હતી અને હડફેટે અકસ્માત સર્જાયો હતો.જેમાં PSIનું ઘટના સ્થળે જ મોત નીપજ્યું હતું.ઘટનાની જાણ થતા જ લોકોના ટોળા ઘટના સ્થળે પહોંચી ગયા હતા.
સ્થળ પોલીસને જાણ કરાતાં પોલીસે તાત્કાલિક ઘટનાસ્થળે પહોંચી પીએસઆઈ પરમારની લાશને પોસ્ટમોર્ટમ માટે મોકલી આપી આગળની કાર્યવાહી હાથ ધરી હતી. અકસ્માત કેવી રીતે થયો તેની પણ પોલીસ તપાસ કરી રહી છે.
PSI પરમાર છેલ્લા 3 દિવસથી ટ્રેનિંગ પર હતા અને ટ્રેનિંગ પૂરી કરીને ઘરે જઈ રહ્યા હતા ત્યારે આ ઘટનાની જાણ થતાં તેમની સાથે ટ્રેનિંગ લઈ રહેલા પોલીસકર્મીઓ પણ આશ્ચર્યચકિત થઈ ગયા હતા. PSI પરમાર તેમની સફેદ કલરની હુન્ડાઈ i20 કારમાં ઘરે પરત ફરી રહ્યા હતા.
આ દરમિયાન તેનું સંતુલન બગડ્યું અને કાર ડિવાઈડર સાથે અથડાઈને પલટી ગઈ. જેમાં કારનો આગળનો ભાગ પણ વળી ગયો હતો અને આ કરૂણ અકસ્માતમાં પીએસઆઈ પરમાર હીરો બન્યા હતા.
