ભારત અને ન્યુઝીલેન્ડ વચ્ચે ત્રણ મેચની વનડે શ્રેણીની અત્યાર સુધીમાં 2 મેચ રમાઈ છે. શ્રેણીની ત્રીજી મેચ ક્રાઈસ્ટચર્ચમાં રમાશે. ટીમ ઈન્ડિયાના ખેલાડી માટે આ મેચમાં તક મળવી મુશ્કેલ છે. આ ખેલાડી ટી-20 સિરીઝમાં પણ ટીમનો ભાગ હતો, પરંતુ તે પ્લેઇંગ 11માં રમતા જોવા મળ્યો ન હતો, જ્યારે હવે વનડે સિરીઝમાં પણ તે માત્ર બેન્ચ પર બેઠો જોવા મળે છે.
આ ખેલાડી ન્યુઝીલેન્ડથી એકપણ મેચ રમ્યા વગર પરત ફરશે બંને ટીમો વચ્ચેની વનડે સીરીઝની બીજી મેચ વરસાદને કારણે સંપૂર્ણ રીતે રમાઈ શકી ન હતી, આવી સ્થિતિમાં છેલ્લી મેચની પ્લેઈંગ 11માં ફેરફાર કરવો મુશ્કેલ લાગે છે. ટીમ ઈન્ડિયાના કેપ્ટન શિખર ધવનને પ્રથમ બે વનડેમાં ચાઈનામેન સ્પિનર કુલદીપ યાદવને રમવાની તક મળી ન હતી. તેના માટે છેલ્લી મેચમાં પણ સ્થાન મેળવવું મુશ્કેલ છે.
યુઝવેન્દ્ર ચહલ આ સીરીઝમાં કેપ્ટન શિખર ધવનની પહેલી પસંદ છે. યુઝવેન્દ્ર ચહલે પ્રથમ ODIમાં 6.8ની ઈકોનોમી સાથે તેની 10 ઓવરમાં રન ખર્ચ્યા હતા અને એક પણ વિકેટ લીધી ન હતી. ચહલના આ ખરાબ પ્રદર્શન બાદ પણ તેને બીજી વનડેમાં સામેલ કરવામાં આવ્યો હતો જેનાથી લગભગ સ્પષ્ટ થાય છે કે છેલ્લી મેચમાં પણ ચહલ પ્લેઈંગ 11માં રમવાનો મોટો દાવેદાર છે.
ટી-20 સિરીઝમાં પણ જગ્યા મળી નથી આ ODI સીરીઝ પહેલા બંને ટીમો વચ્ચે 3 મેચની T20 સીરીઝ રમાઈ હતી. તે શ્રેણીમાં ટીમ ઈન્ડિયાની કમાન હાર્દિક પંડ્યાના હાથમાં હતી. હાર્દિક પંડ્યાની કેપ્ટનશીપમાં પણ કુલદીપ યાદવ રમતા જોવા મળ્યો ન હતો. તે ત્રણેય મેચમાં ટીમ ઈન્ડિયાના પ્લેઈંગ 11માંથી બહાર રહ્યો હતો. જો કે કુલદીપ યાદવને પણ બાંગ્લાદેશ પ્રવાસ માટેની ટીમનો ભાગ બનાવવામાં આવ્યો છે. રોહિત શર્મા આ પ્રવાસમાં ટીમ ઈન્ડિયાની કેપ્ટનશીપ કરશે.
