સીએ ની પરીક્ષા મૂકીને યુવક છેલ્લા ચાર મહિનાથી પ્રમુખસ્વામી મહારાજના મહોત્સવ ની અંદર સ્વયંસેવક તરીકે કામ કરી રહ્યો છે…….

અમદાવાદના ઓગોનાજ સર્કલ પાસે પ્રમુખ સ્વામી શતાબ્દી મહોત્સવ ઉજવવામાં આવી રહ્યો છે, આ ઉત્સવ 600 એકર જમીનમાં ઉજવવામાં આવી રહ્યો છે, પ્રમુખ સ્વામી શતાબ્દી મહોત્સવને પ્રમુખ સ્વામી નગર તરીકે બનાવવામાં આવ્યો છે. છેલ્લા બે વર્ષથી હજારો સ્વયંસેવકો આ નગર બનાવવા માટે તેમની સેવાઓ આપી રહ્યા છે. આ ઉત્સવના સાક્ષી બનવા માટે દેશભરમાંથી ભક્તો આવે છે.

જેમાં સ્વયંસેવકોમાં ઘણા ડોકટરો અને ઘણા એન્જીનિયરો છે તો ઘણા મોટા અધિકારીઓ ઘણા મહિનાઓથી પોતાનું કામ છોડીને અહીં ફરજ બજાવે છે. આ બધાની વચ્ચે અમે આવા જ એક વિદ્યાર્થી વિશે વાત કરીશું, આ વિદ્યાર્થીનું નામ છે વિવેક વાલિયા, જે મુંબઈના વસઈમાં રહેતો હતો.

હાલમાં વિવેક અમદાવાદમાં સેવા આપવા આવ્યો છે, વિવેક ચાર્ટર્ડ એકાઉન્ટન્ટનો અભ્યાસ કરતો હતો, વિવેકે સેવા આપવા માટે સીએ ઇન્ટરની પરીક્ષા પણ છોડી દીધી હતી અને અહીં શતાબ્દી મહોત્સવમાં સેવા આપવા આવ્યો હતો. યુવકે નક્કી કર્યું હતું કે તે છ મહિના પછી આ પરીક્ષા આપશે.

તેથી જ સેવાને ધર્મ માનીને આ યુવક સેવામાં જોડાયો. વિવેક છેલ્લા ચાર મહિનાથી સેવા આપી રહ્યો હતો અને હજુ 35 દિવસ સેવા આપશે, સેવા આપ્યા બાદ વિવેક વધુ અભ્યાસ માટે મુંબઈ જશે, હાલમાં ઘણા સ્વયંસેવકો અહીં સેવા આપી રહ્યા છે.